NA REUNIÓN DO CONSELLO ESCOLAR MUNICIPAL O GOBERNO NEGOUSE A BUSCAR SOLUCIÓNS PARA AS FAMILIAS QUE QUEDAN SEN COMEDOR
O Concelleiro de Educación negouse a estudar ningún tipo de medida extraordinaria ou provisoria que permita atender as 80 solicitudes que quedarán sen o servizo de acordo coa listaxe provisional.
Despois de máis de dúas horas e media do Consello Escolar Municipal de Ames, celebrado na tarde do día 15, non só non se adoptou ningún acordo senón que o Concelleiro David Santomil, responsable de Educación, rexeitou sequera estudar calquera medida que poida posibilitar que as nenas e nenos que exceden as 1.254 prazas ofertadas polo concello sexan atendidas. Pese a insistencia por parte das ANPAS e dos grupos de oposición presentes, o edil insistiu en que a súa posición é inamovible, mesmo cando Ames Novo propuxo solucións técnicas para soslaiar as limitacións orzamentarias e de persoal que o Concelleiro do Goberno aduciu.
“Desde Ames Novo seguimos mantendo que o servizo de comedores escolares, ten que manter o seu carácter de servizo básico, tal e como foi concibido cando se puxo en marcha, absorbendo a demanda existente. Non é coherente que queiramos seguir sendo o concello que máis medra en Galicia e coa maior taxa de poboación en idade escolar e logo non fornecer os servizos que posibiliten ese crecemento”, manifestou Quique Costas, voceiro da organización ao saír da reunión”
A incidencia que en Ames ten rede de comedores escolares vese reflectida non só na alta proporción de alumnado que a utiliza (case o 50%) senón tamén nos datos de escolarización. “Que nun concello con un déficit de 1.200 prazas escolares e precisamente no núcleo máis deficitario, que é o Milladoiro, a demanda de prazas na Escola Infantil sexa inferior á oferta só se explica porque as familias optan por outros centros, mesmo privados, ao saber que non van ter a opción de que as súas fillas e fillos utilicen o servizo de comedor por estar saturado”, en palabras do voceiro de Ames Novo.
Ames Novo fai un chamamento á comunidade escolar a presionar ao goberno coa fin non só de que se busquen solucións para as familias afectadas no próximo curso senón tamén para que se articulen solucións que permitan o crecemento do servizo de xeito que poida seguir absorbendo unha demanda que vai seguir medrando nos próximos anos.
Related Posts
Terras de Santiago
- Portos e Noia asinaron un convenio para as melloras na explanada de Labarta
- Toca a Guardia Real unha peza de Paz Carbajal
- Corenta tendas na Pink Fashion noiesa co 20% de desconto
- Piden 13 años y medio de prisión para el acusado de violar a una menor en Noia
- Noia aproba finalmente un crédito extraordinario co que investirá 508.000 euros en diversas obras