ATENDE

O GOBERNO MUNICIPAL DE AMES ENROCADO NA SÚA POSTURA SOBRE OS COMEDORES ESCOLARES

By on septiembre 8, 2018


O Concelleiro de Educación négase a adoptar medidas que permitan absorber as nenas e nenos que quedaron sen poder acceder ao servizo por falta de praza.

AMES NOVO levou ao último Pleno unha moción coa finalidade de reabrir o debate sobre a insuficiencia de prazas nos comedores escolares municipais para atender toda a demanda existente. No debate da mesma o Portavoz deste grupo municipal demandou que se informase ao Peno das actuacións que se puxeron en marcha desde que se publicaron as listas de agarda e do resultado das mesmas.


Sen embargo o Concelleiro de Educación, David Santomil (BNG) limitouse a reiterar os seus argumentos de que o número total de prazas é o das 1.254 fixadas por un decreto do goberno municipal e que non se vai ampliar, xa que na súa visión os comedores “non son unha competencia municipal”. Afirmou, ademais, que a oferta de prazas medrara en 200 durante o actual mandato e que o Concello de Ames é o que destina maior porcentaxe do orzamento a Educación.

Que sexamos o Concello que máis parte do orzamento dedica a educación non é máis que a consecuencia de que somos o concello do país con maior porcentaxe de poboación en idade escolar”, manifestou Quique Costas, “a cuestión é se esa porcentaxe é suficiente e, á vista do problema que temos, parece que non”. Ames Novo considera que para atender a demanda actual do servizo de comedores sería preciso incrementar esa partida nunha cantidade que non acadaría o 1% máis do orzamento do Concello de Ames, “un esforzo orzamentario perfectamente asumible sen mingua significativa de ningún outro capítulo”, en palabras do voceiro da agrupación. “O problema produciuse como consecuencia de que en tres anos de mandato non se adoptou medida algunha que permitise o crecemento do servizo. É falso que a oferta aumentara en 200 prazas, o que si aumentou foi o número de usuarios, algo moi distinto, que acabaron por sobordar a oferta existente”.

AMES NOVO considera que a raíz do problema está na falta de ambición política ao respecto do actual Concelleiro de Educación. “Se partes de que é unha competencia allea, só podes chegar á conclusión de que o esforzo que se está a facer xa é excesivo e, xa que logo, é imposible desde esa asunción que te propoñas facer medrar un servizo que, ademais de ser un referente, ten moito que ver crecemento poboacional do noso concello.

AMES NOVO volverá a levar este asunto a Pleno coa proposta de que se adopten medidas provisorias e urxentes que permitan que as persoas que teñen solicitado este servizo para o presente curso poidan desfrutar del.

About Admin

Leave a Reply

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.