CONVOCADAS AS ELECCIÓNS PRIMARIAS DE AMES NOVO
A Asemblea de Ames Novo convoca as Eleccións Primarias que decidirán a conformación da lista electoral coa que a marea municipalista concorrerá ás Eleccións Municipais do vindeiro mes de maio.
A Asemblea celebrada o martes, día 5, decidiu a convocatoria das Eleccións Primarias con arreglo ao Regulamento de Eleccións Primarias de Ames Novo que rexe para as mesmas, así como o Calendario que marcará as diferentes fases que culminarán no proceso de votación.
Neste proceso o conxunto das persoas que conforman o censo electoral de Ames Novo (todas as que son asinantes do seu manifesto político) decidirán co seu voto as persoas que conformarán a lista nos postos do 2 ao 11, acompañando a Quique Costas que foi electo candidato á Alcaldía nas Eleccións Primarias do pasado mes de xullo.
O prazo para que aquelas persoas que queiran participar na elección e non teñan asinado o manifesto se inscriban no censo estatá aberto ata as 24:00 horas do domingo 17 de febreiro. O luns 18 iníciase o prazo para que aquelas persoas membros asinantes que o desexen se candidaten para participar como elixibles nestas primarias. Para iso terán que presentar ante a Comisión Electoral o formulario correspondente co aval de 10 asinantes do manifesto político, e subscribir o Código de Ética Política. O prazo para a presentación de candidaturas finaliza ás 24:00 horas do día 25 de febreiro.
Finalmente, todas as persoas que integran o censo electoral de Ames Novo poderán emitir o seu voto os días 8, 9 e 10 de marzo nos locais e horarios que determine a Comsión electoral.
Enlaces directos aos documentos:
Calendario da elección
Manifesto da Iniciativa Cidadá Ames Novo
Formulario de Adhesión ao Manifesto
Regulamento de Eleccións Primarias de Ames Novo
Código de Ética Política
Todo o proceso resumido nunha guía práctica
