CANDIDATURA DE AMES NOVO
Rematado o proceso de primarias, quedan configurados os primeiros postos da lista coa que Ames Novo concorrerá ás eleccións municipais de maio
O domingo día 10 de marzo pechouse a segunda fase do proceso de eleccións primarias de Ames Novo, no que se decidiron as candidatas e candidatos que ocuparán os postos da parte alta da lista que encabezará Quique Costas, que fora proclamado candidato á Alcaldía na elección que se celebrou no pasado mes de xuño.
Nesta fase da elección concorreron un total de 11 candidatas e candidatos aos que podía votar calquera persoa inscrita no censo electoral de Ames Novo (composto por todas as asinantes do seu manifesto).
Feito o escrutinio das papeletas depositadas nas urnas, os votos obidos por cada unha delas foron como segue:
Ana Seijas 48, Javier Rocamora 32, Carmen Calviño 31, Roberto Amarelle 28, Tino Freire 26, Manuel Parga 26, Marta Barbosa 25, Patricia Figueira 25, Javier Tesouro 18, Jose Mariño 14, e Yago Castro 9.
Tal e como establece o Regulamento de Primarias de Ames Novo, feito o reconto, a Comisión Electoral procedeu á ordenación da lista aplicando os criterios establecidos no mesmo de proporcionalidade de xénero e territorial, de xeito que a orde de colocación dos postos ata o 11 será:
1.- QUIQUE COSTAS
2.- ANA SEIJAS
3.- JAVIER ROCAMORA
4.- CARMEN CALVIÑO
5.- ROBERTO AMARELLE
6.- MARTA BARBOSA
7.- MANUEL PARGA
8.- PATRICIA FIGUEIRA
9.- JOSÉ MARIÑO
10.- (Reservado para unha candidata)
11.- (Reservado para un/ha candidato/a do Rural)
A reserva dos postos 10 e 11 se establece para cumprir esas esixencias de representación proporcional que esixe o artigo 23 do Regulamento. O resto de persoas que se candidataron se integrarán na lista electoral fóra dos 10 postos que se cubrían neste proceso.
O candidato á Alcaldía, Quique Costas, manifestou estar «moi satisfeito tanto pola implicación das persoas que se candidataron como pola das que participaron votando neste proceso. Trátase, unha vez máis, de un claro exercicio de democracia na que as decisións as adoptamos colectivamente, e o resultado é o de unha proposta de equipo de goberno caracterizada pola solvencia e a honestidade das persoas que a integran».
A candidatura será presentada nun acto público que se celebrará nas próximas semanas.
Nestas ligazóns podes acceder a todas as actas e resolucións da Comsión Electoral:
Acta de constitución
Acta nº1
Anexo á acta nº1: Resolución de Consulta
Acta nº2
Resolución de consultas nº2
Acta nº3
Acta nº4
Acta nº5 (escrutinio e lista electoral)
